الرئيسية / حسب المرحلة العمرية / أكبر من 10 سنوات / تطبيق يساعدك على التركيز أنت و أبنائك
forest-stay-focused_thumb4

تطبيق يساعدك على التركيز أنت و أبنائك

لو أنتى أم بتعانى فى مذاكرة أولادها بالساعات وده لإن الأولاد بيتلكعوا و بيهدروا وقت كتير فى لاشئ و تجدى إن المحصلة الفعلية للمذاكرة ما تجيش ساعة أو ساعتين! إليك الحل مع هذا التطبيق الرائع اللى ها يعلم أولادك قيمة الوقت.

كمان لو كنت طالب/ طالبة عايز تنظم وقت مذاكرتك أو شخص طموح عنده أهداف يومية عايز تحققها بدون التوغل فى هدف دون الباقى فهذا التطبيق هو الحل السحرى لك.

تطبيق جميل جدا حماسى مشجع فكرته ببساطة هو أنك بتزرع شجرة كل لما بتنفذ مهمة أو مذاكرة بشرط أنك تركز لمدة معينة أنت اللى بتختارها و ما تشتتش نفسك بالنظر فى الموبايل لإنك لو فتحت أى تطبيق آخر زرعتك هاتموت :(

يعنى إيه؟

يعنى لو أنتى أم هاتذاكرى مع ابنك عربى هاتتفقى معاه اننا هانركز لمدة 30 دقيقة مثلا وبكده هانزرع شجرة و ها نحصل على عملات ذهبية ممكن تفتحوا بيها بعد كده أشجار أجمل و أكبر :)

فى نهاية اليوم ها تشوفوا انتو زرعتوا كام زرعة و كمان التطبيق بيحسبلكم عدد ساعات الإنجاز فى يومك.

Image result for Forest: Stay focused

كمان فى رسم بيانى يخليكم تقارنوا إنجازاتكم فى الأيام السابقة.

Image result for Forest: Stay focused

بجد برنامج جميل ها يساعدكم تركزوا و تنجزوا فى يومكم و كمان تشجيعى و محفز للأطفال, ده غير أنكم من خلال التطبيق ده ها تعلموهم أهمية الوقت و أهمية الحفاظ عليه و إستغلاله فى كل ما هو نافع و مفيد.

فيديو التطبيق:

 

لينك تحميل التطبيق

أضف تعليق

عدد التعليقات

عن مامى سكول

مديرة قسم التعليم المنزلى إذا كنا نرغب فى النهوض بهذة الأمة فلننهض أولا بالتعليم... التعليم الذاتى / الموازى / المنزلى أصبح ضرورة حتمية وفرض على كل أب و أم يرغبون فى تعليم وتنشئة طفل مبدع متميز....

اضف رد