الرئيسية / أنشطة الأطفال / أنشطة علمية / اصنع الكرة الأرضية مع طفلك
3

اصنع الكرة الأرضية مع طفلك

هذا النشاط إهداء من صديقة الموقع Sara Abdelghny

السلام عليكم بشكركم على الموقع المفيد جدا ده انا كنت بطبق منه حاجات مع بنتى هى عندها ٧ سنين بس مكنش لسه فى مشاركات فبصراحه مكنتش بصور ال بطبقه معاها لحد اما عملنا سوا الكره الارضيه تطبيقا لدرس قارات العالم ال شفته على موقعكم طبعت الورقه وبدات اعمل منها قارات العالم مع بعض التعديل على فكره الموضوع كان الهدف منه كمان اعلمها اعاده التدوير لاننا عملناها من كره قدم وعجينه الورق ولسه ان شاء الله نكمل مع بعض اعلام الدول ال فى قاره افريقيا وما يميز كل قاره وهكذا وان شاء الله القسم الجديد ده يشجع المتابعين على التطبيق
12166709_985444211526923_1216689584_n

طريقة العمل

جبت كوره بلاستك زى ال فى الصوره

12166859_985474904857187_1876438196_n

وقطعنا ورق قديم عندنا مستطيلات طويله

12064230_985475331523811_1196531113_n

ولزقنها بعجينه الدقيق والميه (يعنى بنخلط دقيق مع ميه على النار لحد اما تبقا زى المهلبيه)

الاطفال هما ال بيحطو الدقيق والميه ونحاول نفهمهم احنا بنعمل كده لايه والكبار طبعا مرحله التسويه

بعد ما لزقنا الورق على الكوره نخليهم يقطعو شويه ورق قطع صغيره ويحطو عليه ميه زى الصوره والخطوات دى بتبقا ممتعه ليهم وبعد كده بنسيبه يوم كامل يبوش وبعدها نضربه فى الخلاط لحد اما يبقا مفتت زى الصوره, بعد ما بنضرب الورق فى الخلاط بشويه ميه بنسيبه يتصفى شويه زى الصوره كده وبعدين نحط الغراء

12166306_985475401523804_979488841_n 12083623_985475924857085_659480603_n

اخر مرحله بنحط عليه غراء الخشب لحد اما يعمل عجينه متماسكه تكون الكره ال غلفنها بالورق نشفت نلونها ونلزق عليها عجينه الورق بالشكل ال احنا عايزينه وبعد ما تنشف نلونها انا لونتها بالوان الاكريلك بمساعده بنتى لكن ممكن الوان الميه تنفع بردو ونقطع بعد كده ورق نكتب عليه اسماء القارات والطفل يلصقه بايده على الكره الارضيه عشان الموضوع يثبت فى دماغه اكتر بنقوله كل قاره اسمها ايه ومكانها فين على الكره الارضيه وبعدين ناخد الورق ولو مش بيعرف يقرا نقوله مثلا الورقه دى مكتوب عليها قاره اوربا مثلا مكانها فى على الكره الارضيه هيشاور نساعده يلزقها عليها وهكذا

ممكن النشاط الام تحس انه طويله بس هو مش بيتعمل كله فى وقت واحد بيتعمل على كذا مرحله وكل مرحله بتكون ممتعه للطفل وبيتعلم فيها معلومه جديده وبردو الميزه في انه مش كله مرحله واحده انه الطفل ميملش مهما كانت اللعبه ممتعه للطفل بيمل منها بعد شويه ويسبها وده ال حصل فى النشاط ده لعبنا وارتحنا وتانى يوم كملنا وهكذا

أضف تعليق

عدد التعليقات

عن أميرة قاسم

أم مهتمة بتنمية مهارات الطفل و تشجيعه على الإبداع و إستغلال الموارد من خلال الأشطة اليدوية و إعادة التدوير.

اضف رد