الرئيسية / التعليم المنزلى / الأطفال 3-5 سنوات: الحشرات
0958

الأطفال 3-5 سنوات: الحشرات

هذا الموضوع من الموضوعات المتقدمة لذا يفضل أن يكون الطفل قد درس بعض المعلومات قبل ذلك ويكون عمره 4 سنوات فأكبر.

لما كنت بحضر عن الموضوع ده استغربت فعلا. تخيلوا بقه بيعلموا الأطفال preschool الدرس ده من خلال الملاحظة فبيبعملوا إيه؟ بيعملوا أوردر من موقع أمازون لمجموعة خنافس دليفرى عشان الولاد يلاحظوهم عن قرب و يقدروا يتكلموا عن ملاحظاتهم و يألفوا قصص عنهم!

تخيلوا بقه فى مصر حاجة زى كده,…

ألو, ممكن 2 كيلو خنافس مشكلة هههههه :)

طبعا هنا فى مصر الحشرات الحمد لله متوفرة مش محتاجين نعمل دليفرى, كل ما عليكى سيبى النمل يسرح فى البيت براحته شوية وقعي شوية سكر وهو هيطلع هوا, الصراصير برضه متوفرة, كل ما عليكى إنك تسيبى طفلك يستكشف الحشرات دى بنفسه ولو عندكم عدسة مكبرة يبقى ياريت.

طبعا بعد الملاحظة عن قرب  والحديث مع الطفل عن الحشرة مثلا سريعة بطيئة عندها كام رجل كبيرة صغيرة, ياترى بتاكل ولا لأ بتتنفس ولا لأ وهكذا.

1- نعرض على الطفل بعض صور الحشرات

493px-Insect_collage

2- نركز على هذه الجوانب:

  • غالبية الحشرات لديها 6 أرجل
  • جسم الحشرة مقسم ل 3 أجزاء: الرأس, الصدر, المعدة

6976eef63b2255fe1ed14b63614fe5c8

  • كل الحشرات لديها قرون إستشعار (تشم بها الروائح)
  • بعض الحشرات لها أجنحة

نبدأ نعمل بعض الأنشطة عن الحشرات بوجه عام.

الأنشطة والأفكار كتيرة بفضل الله هنعرض أسهلها من حيث التطبيق بحيث تكون عملية وبأدوات بسيطة متوفرة, تقدرى تعملى كل يوم نشاط واحد على مدار الأسبوع يعنى الأسبوع ده أسبوع الحشرات هيبقى كلامنا و أنشطتنا و قصصنا ولعبنا كله عن الحشرات.

الأدوات:

  • ورق ملون
  • عيون جوجل
  • صمغ
  • مقص
  • خيط صوف
  • طبق كرتون
  • خرامة
  • شريط لاصق ملون
  • رول بكرة مناديل

 

اليوم الأول

********************

1. نشاط فنى :العنكبوت وشبكة العنكبوت

الفيديو ده لولد عنده 4 سنوات ماشاء الله عليه بيقول معلومات عن العنكبوت وبيعمل نشاط لنموذج عنكبوت من الورق الملون ممكن نعمل زيه (الورق الملون متوفر فى المكتبات وفي منه أسود وده هيكون أفضل والعيون ممكن نستخدم عيون جوجل وموجودة برضه فى المكتبات ومش غالية)

أما بالنسبة للشبكة فممكن نعمل زى كده:

المشى على شبكة العنكبوت

اللصق ده متوفر فى المكتبات بألوان مختلفة ومتخافيش السجادة مش هتبوظ منه

004f4e5c537a2efb443237acc18fd7e8--giant-spider-spider-webs

أو شبكة العنكبوت على طبق كرتون

798c8e6455c38d1011c057212f2023e2

أما الصورة دى لو فى مكان تجمع أطفال كتير

spider 006

2. مشاهدة فيديو

3. اللغة و الحشرات 

يمكن ربط موضوع الأسبوع بتعلم الحروف والكلمات, اليوم سنعلم أطفالنا كلمة “حشرة” ونربطها بحرف “ح”

اولا بالتلقين ثم برسمه بحجم كبير على ورقة بيضاء و يلونه الطفل. ونذكر الطفل به طوال الأسبوع.

141.jpg.a8c6d67de758e3e805dd940e5c83acda

اليوم الثانى

************************

1. اللعب التخيلى : باظت الرحلة!

اللعب التمثيلى أو التخيلى من أكتر الحاجات اللى بتنمى الإبداع عند الطفل وتوسع خياله, دى غير طبعا جانب المرح و المتعة, الجميل بقه إننا نستغل اللعب ده لخدمة الجانب التعليمى.

فى لعبة النهاردة هنمثل إننا رايحين رحديقة وواخدين معانا ملاية و شنطة فيها أكل (ممكن أكل بلاستيك) وفجأة واحنا قاعدين تطلع علينا الحشرات (مجسمات أو من صنع إيدينا أو حتى صور و استيكرات) و إما ننزعج و نقوم بسبب هجوم الحشرات أو نعلم الطفل إزاى يتعامل مع الموقف ده, ممكن نضرب الحشرة أو نهشها بعيد عننا وهكذا.

2. حشرات بالصلصال

كل الأطفال يحبون اللعب بالصلصال, يمكننا إستغلال هذا أيضا فى العملية التعليمية بحيث نوجه الطفل ونساعده فى صنع بعض الحشرات إما بالقوالب الجاهزة وإما بإبداعنا.

ملحوظة: هذه العيدان السوداء تُباع فى محلات تغليف الهدايا و المكتبات الكبيرة.

Screenshot_2 Screenshot_9 Screenshot_8

3. مشاهدة فيديو

اليوم الثالث

***********************

1. مشاهدة فيديو

2. اللعب التخيلى: أنا الحشرة

لعبة جميلة جداااا وفيها بيمثل الطفل إنه حشرة يتحرك زيها و يعمل صوتها, فى لبس بيتباع على شكل حشرات بس ممكن ننفذ النشاط بتكاليف بسيطة زى اننا نلبس الطفل ملاية صغيرة على ظهره كأنها الجناحات و نعمل طاقية من الورق كأنها القرون.

e0d18e07d4f77b0bcf04c8ff1c7b496e

3. قصة عن النملة

حتى لو الطفل لسه مش هيفهم كل القصة أو القصة أصلا بس كفاية إنه يشوف صور الحشرات و يسمع كلمات باللغة العربية وده له تأثيره فى عقله الباطن بكل تأكيد.

اليوم الرابع

***********************

1.نشاط فنى: النحلة

Screenshot_5

2. أغنية عن النحلة

3. قصة عن الحشرات

 

اليوم الخامس

***************************

1. الإستماع لهذه الأنشودة

الأغنية دى العربى من أغنية وقصة إنجليزية شفتها بالفعل فى أحد المواقع بيدرسوها للأطفال وبعدين بيركزوا على الكلمات الموجودة فى الأغنية زى الشمس و المطر و يعملوا عليهم أنشطة.

2. يلا نطبخ حشرة

طبعا المطبخ و تقليد ماما فى المطبخ من أكتر الحاجات اللى بيحبها الولاد, وكالعادة هنربط أى لعب وأى مرح بالعملية التعليمية.

الأدوات:

موز , بقسماط (باتون سالية مثلا) , شيكولاتة شيبس (chocolate chips)

على فكرة الموضوع مش عشوائى لأ, زى ما انتو شايفين 3 قطع موز عشان جسم الحشرة مكون من 3 أجزاء زى ما قلنا و 6 بقسماط تمثل الأرجل و2 لقرون الإستشعار والشيكولاتة شيبس للعيون.

IMG_4544B

اليوم السادس

**********************

1. مشاهدة فيديو

2. الحساب و الحشرات

هنا نربط بين الحساب و الأرقام اللى سبق تعلمها بدرس الأسبوع وحتى لو لم يكن الطفل تعلم الأرقام قبل ذلك يمكننا تقديمها مع هذا الدرس. اضغط على الصورة التالية لطباعة الشيتات.

Screenshot_3

3. قصة عن النمل

 

أضف تعليق

عدد التعليقات

عن مامى سكول

مديرة قسم التعليم المنزلى إذا كنا نرغب فى النهوض بهذة الأمة فلننهض أولا بالتعليم... التعليم الذاتى / الموازى / المنزلى أصبح ضرورة حتمية وفرض على كل أب و أم يرغبون فى تعليم وتنشئة طفل مبدع متميز....

اضف رد