الرئيسية / أنشطة الأطفال / أنشطة متنوعة / إعادة تدوير: اصنع طائرة هليكوبتر
Screenshot_8

إعادة تدوير: اصنع طائرة هليكوبتر

النهارده ان شاء الله نشاطنا مرتبط بنشاط المروحه الورق اللى نزلناه قبل كده “علم طفلك يصنع مروحة ورقية

هنعلم الطفل يعمل طائره هليكوبتر يلعب بيها من اعاده تدوير (إعادة إستخدام) بعض المهملات فى المنزل.

الأدوات المطلوبه

Screenshot_1

  1. زجاجه بلاستيك
  2. كره بلاستيك
  3. شفاطة العصير
  4. الوان اكليريك (ملحوظه: انا استخدمت بويات الاكيه لانها كنت متوفره عندى فى الوقت ده)
  5. مسدس شمع

طريقة العمل:

نبدا اول حاجه هنجيب الزجاجة البلاستيك ونشيل الغلاف بتاعها وبعدين هنحط علامه بالقلم زى الصوره عشان نقص جسم الطائره والعلامه التانيه بردو القطعه اللى هنقصها عشان نعمل قاعدة الطائرة اللى هنلصق فيها الرجل بتاعت الطائره كده.

ونخرم الغطا عشان نعمل ذيل الطائره.

Screenshot_2 Screenshot_3

وبعدين اخدت نص الكوره البلاستيك ال عندى لانها كانت بتتفتح نصين فاستعملت نص واحد لكن ممكن تستعملى كوره صغيره بينج بنج او اى كوره بلاستك عندك تتناسب مع حجم الزجاجة.

Screenshot_4

هنا ركبنا المروحه الورق اللى شرحنها فى موضوع سابق وهنا عايزه حابه اوضح حاجه لو عرفتى تخلى الطفل يفتكر خطوات المروحه وهو اللى ينفذها ياريت عشان تضمنى انه مينساش هى اتعملت ازاى لان احنا مش عايزين نعمل نشاط فى وقتها يتنسى بعد كده عايزين نزود خبراته ونساعده على الاحتفاظ بالخبرات دى حتى لو كنت بسيطه هنا خرمنا خرم فى الازازه البلاستك وركبنا المروحه.

Screenshot_6

وبعدين لزقنا الكوره بمسدس الشمع فى الزجاجة والقطعه البلاستك اللى قصناها لزقنا فيها الشفاطات أما ذيل الطائره لزقناه فى الغطا بتاعت الزجاجة.

Screenshot_7

اخر مرحله التلوين ودى الطفل هو اللى بيلونها بنفسه واحنا بس بنساعده, يُفضل توخى الحذر (على حسب عمر طفلك) أثناء إجراء الخطوات السابقة, عشان فى مسدس شمع وتقطيع بلاستيك بسكينه او قطر, فلو كان عمر طفلك صغير فالأفضل أن تقوم الأم بالخطوات الأولى, المهم هو وجود الطفل معكى متابع للخطوات.

Screenshot_9 Screenshot_10

القاعده الفلين اختيارى بتقطعى مربع وتلوينه وتلصقى عليه الطائره.

الغرض منه انه هيساعد الطفل انه يمسك الطائره بسهوله وممكن تعملى حرف ال P عشان يعرف ان P is for Plane  وترتبط فى ذهنه وتبقى لعبه وفيها كمان شىء تعليمى بسيط.

ودى والمروحه بتلف

Screenshot_11

أتمنى الموضوع يكون نال إعجابكم إن شاء الله

أضف تعليق

عدد التعليقات

عن أميرة قاسم

أم مهتمة بتنمية مهارات الطفل و تشجيعه على الإبداع و إستغلال الموارد من خلال الأشطة اليدوية و إعادة التدوير.

اضف رد