Screenshot_9

لعبة حفظ الكلمات

موضوعنا النهارده إن شاء الله يفيد الامهات اللى بتلاقى صعوبه فى الحفظ لدى ابناءهم وتساعد اطفالهم كمان على زياده التركيز ,هى عباره عن لعبه بسيطه هنعملها بايدينا.

الادوات المطلوبه

  •  ورق كانسون
  •  كاتر (قطر)
  •  مسطره وقلم
  •  ورق فوم

 اولا هنجيب ورقتين كانسون هنقصهم تقريبا  الابيض 20*20 والروز 21 *10.5

Screenshot_26

 وهنتنى الورقه البيضا بالنص وبعدين نرسم المربعات (الشبابيك) ال هنفتحها بعد كده بالقطر) عملت مقاس المربع 2.5 *2.5 ومسافه بين المربعين5. سم بس طبعا المقاسات ممكن تغيرها زى ما تحبى)

Screenshot_1

المربعات بنرسمها من الناحيه المتنيه والناحيه المفتوحه بتبقا من فوق بتاعت المربع الكنسون وفتحنا المربعات بالقطر وبعد كده لزقنا الورقه الروز

Screenshot_3

Screenshot_2

بعد ما لصقنها وفتحنا الشبابيك بالقطر او المقص من كل الجهات ما عدا جهه واحدة

غلفت الورق الكانسون الابيض بالصق الشفاف من الظهر عشان متظهرش عشان يديها صلابه مع اللعب متبوظش بسرعهScreenshot_4

وبعدين لصقنا الدبل فيس السميك بردو من الظهرعشان نعمل الممرات ال هندخل فيها الكروت

Screenshot_6

 هنلصق الحروف الانجليزى بعد ما طبعنها هنحط طبقه من صمغ الورق ال صنعناه قبل كده بنفسنا على ظهر الفوم والورق المطبوع كمان على الظهر مش الوش ليه ؟ عشان بعد القص متلاقيش  الحروف معكوسه

 Screenshot_7

 

 

 وبعد ما قصينا الحروف كلها لصقنها على شريط الكرتون ال قطعنها لصقنها باللصق الدبل فيس الورق  (مش الطخين) طب ليه لزقنا المربع الكنسون باللصق الدبل فيس التخين ؟؟ عشان يعملى مسافه بسيطه بين الورقتين من خلالها أقدر أدخل كروت الحروف فيها

 Screenshot_8

  أخر حاجه التزيين, عملنا نقط عليها وبنتى عايزه تلصق البومه عليها فلصقنا البومه يعنى سيبى موضوع التزيين ده للطفل ولو حتى حب انه يحط استكرات عليها تمام او حتى يرسم عليها اى رسمه.

12204550_1002335673171110_1731225714_n

 نيجى بقا  لأهم حاجه وهى:

 التطبيق

 هنعرض للطفل كلمه فى الكتاب بتاع اللغه الخاص به ونقوله بص عليها كويس قوى عشان هسألك سؤال وبعدين تخبى الكلمه وتقوليله تعرف تقولى حروفها كانت ايه ؟طبعا ممكن اول مره ميعرفش كررى تانى فى المره التانيه هيركز اكتر ويجبلك منها مثلا حرفين او ممكن يجبها كلها وهكذا وبعدين تقوليله طيب تعرف تفتكر حروفها وتطلعها من الحروف دى أقصد( الحروف الفوم) هيبدأ يطلع ويرص فى الشبابيك تمام كده.

 هتقفلى الشباك على حرف واحد من حروف الكلمه ال هو رص حروفها وتقوليله تعرف تقولى الحرف المستخبى ايه؟ هيقولك كذا لو صح صقفه كبيره وتشجيع لو غلط هتقوليله مثلا حاول تانى.

 تانى مره هيبص كويس ع الكلمه وبعدين تقفلى شباك وتقوليله الحرف ايه هتلاقيه تدريجيا بدأ يركز ويعرف وهتلاحظى ان شاء الله تطور ملحوظ فى حفظه للكلمات.

ملحوظه بسيطه

دى لعبه مبنيه من البدايه للعب مش للنرفزه هزرى واضحكى مع طفلك وقت حفظ الكلمات والمذاكره هتلاقى نتائج افضل بكتير من الزعيق والنرفزه وهتلاقيه هو بنفسه ال جيبلك اللعبه وبيقولك يلا نلعب بيها لانها خلاص ارتبطت فى ذهنه وقت اللعبه دى هو وقت الهزار والضحك مع ماما.

 

 

أضف تعليق

عدد التعليقات

عن أميرة قاسم

أم مهتمة بتنمية مهارات الطفل و تشجيعه على الإبداع و إستغلال الموارد من خلال الأشطة اليدوية و إعادة التدوير.

اضف رد