الرئيسية / أنشطة ومهارات / أنشطة فنية / علم طفلك يصنع مروحة ورقية

علم طفلك يصنع مروحة ورقية

النهارده ان شاء الله هنعمل نشاط بسيط مع اطفالنا هنعمل مروحه الطفل يلعب بيها

انا نفسى جدا نعلم اطفالنا فكره الالعاب اللى بتتباع فى السوق ازاى هو يعملها بنفسه حتى ولو كان شكلها اقل قيمه من الجاهزه بس يكفى انه هيفكر و يعمل الحاجة بإيديه وده فى حد ذاته هايخلى الطفل عنده ثقة فى نفسه.

الموضوع ده ممكن يعلمه كمان انه  ينتج الحاجه بنفسه مش هيبقى مستهلك وخلاص حتى لو مجرد عرف فكرتها هايفيده جدا فلو مثلا بعد كده اشترى اللعبه جاهزه هيبقى عارف إزاى يصلحها لو باظت لانه خلاص عرف اللعبه مبنيه ازاى.

المروحه دى بسيطه قوى وسهله ومن نفس فكره المروحه هنعمل لعبه تانيه فى موضوع تانى ان شاء الله

الأدوات

  • ورق كنسون (بديل له ورق كرتون او الدوسيه البلاستك بتاع الاوراق او ورق مجلات بس على طبقتين لانه خفيف)
  • ستيك خشب رفيع بتاع الشوى (بديل له قلم رصاص بأستيكة أو جاف او اى حاجه زى العصايه الرفيعه)
  • عمله معدنيه
  • سلكه رفيعه وخرز قديم من اكسسوار استغنتى عنه (إختيارى)

طريقة العمل

  1. بنجيب الورقة نرسم مربع 8 سم فى 8 سم تقريبا ونقصه.

Screenshot_19

2. وبعد القص ندى الورقه المربعه للطفل ونتكلم معاه اثناء النشاط يعنى مثلا نقوله احنا هنعمل من المربع ده مروحه (وبكده عرف شكل المربع).

وبعدين لوعارف الحروف الانجليزى هنقوله هنرسم جوه المربع حرف اكس كبيرررر قوى.

ونخليه يمسك العمله المعدنيه ويحطها فى النص ويرسم حولها دايره ونقوله مثلا خد النص جنيه ده حطه (عرف شكل العمله واسمها) طبعا بالتكرار المعلومات بتثبت عنده.طبعا هو ايده مش هتظبط قوى فى الرسم بس احنا نحاول نساعده.

Screenshot_1

3.وبعدين يمسك مقص الاطفال ونقوله يقص لحد الديره بس ميعديهاش.

Screenshot_2Screenshot_3

4. فى المرحله دى عايزين نتنى فى مركز الدايره الحروف ال عليها علامه اكس بس المرحله دى بتلخبط الطفل قوى فنقوله هناخد واحده من الاخوات الاتنن وندخلها بيتها ال هو الديره والتانيه نسبها ونروح لجراتهم ال هى قاعده المثلث التانى ونقوله نفس الكلام

Screenshot_4

طبعا انتى بطبقى معاه بس انتى فى ورقتك وهو فى ورقته, ال فى الصور دى ورقتى صورتها عشان بس تكون اوضح فى الخطوات

هيبقا ده الشكل بعد التنى

Screenshot_5

5. هنا بقا معانا السك والخرز هنعمل حاجه فى اول السلك عشان الخرز ميعديش منها ديره مثلا زى الصوره

وبعدين نركب الخرز وبعدين المروحه ثم الخرز تانى زى الصوره وبعدين ربطنا السلكه على العصايه الخشب,

السلكه طولها تقريبا كان 8 سم بس لو هتعمليها على قلم رصاص مثلا طولى السلك شويه عشان تعرفى تلفيه حولين القلم ميبقاش قصير.

Screenshot_7

والصور دى وهى بتلف على فكره الاطفال بيفرحو بيها قوى لانهم بيلاقو نتيجه الشغل بتعهم 🙂

Screenshot_8

والفيديو ده عشان الناس اللى مابتستوعبش الفكرة أوى بالصور. وكمان فيه طريقة بسيطة وهى إستخدام قلم رصاص بأستيكة بدلا من العصايه الخشب و دبوس push pin وده متوفر فى المكتبات و العلبة سعرها رخيص لا تتعدى ال 10 ج مصرى تقريبا.

أضف تعليق

عدد التعليقات

عن أميرة قاسم

أم مهتمة بتنمية مهارات الطفل و تشجيعه على الإبداع و إستغلال الموارد من خلال الأشطة اليدوية و إعادة التدوير.

اضف رد

لن يتم نشر البريد الإلكتروني .