الرئيسية / حسب المرحلة العمرية / أكبر من 10 سنوات / مغامرات أ.فكرى “لما نسيت الفيزياء”

مغامرات أ.فكرى “لما نسيت الفيزياء”

كعادة أستاذ فكرى تعجل في صب الشاي وهو ساخن فانكسر الكوب الزجاجي

وهنا ضحكت آية أبنته قائلة:

يا بابا أنت اللى معلمني أحط المعلقة الألمنيوم عشان تخفف من درجة الحرارة.. أو أصبر شوية على براد الشاى!

فكرى:
معلش نسيت الفيزياء

تدخل زياد ابنه في الحديث:
أظن دا درس التوصيل الحراري؟

فكرى:
تمام يا فالح

أمسك زياد ببالونة بيضاء منفوخة ثم أحرق ورقة ووضعها في كوب زجاجي وأنتظر حتى أنطفات ثم وضع البالونة المنفوخة وثبتها على الكوب فاندفعت البالونة داخل الكوب بقوة الضغط الجوي داخل وخارج الكوب.

12277331_10153733851796798_1533637913_n

** تماما مثل تجربة “البيضة فى الزجاجة”

ثم وضع زياد ورقة وبخاخة ونموذج طائرة لعبة على منضدة بالمطبخ بعد أن كتب بابا حبيبي على البالونة بقلم ألوان كان معه ثم قال زياد:
دا بقى يا بابا درس الديناميكا.. تقدر تقول لي الفرق بين الورقة والبخاخة والطائرة

 

فكرى:
لا صعبة عليا شوية الحكاية دي.

زياد:
مفيش فرق خالص.. بص يا سيدي.. أنفخ فوق الورقة تلاقيها تطير لأعلي.. أضغط على زر البخاخة الماء يخرج.. قوة لجناح الطائرة تطير.. الحكاية واحدة علاقة بين الضغط والسرعة لما السرعة تزيد الضغط يقل والعكس عشان كده الورقة بتطير لأعلى لأن الهواء فوق الورقة أسرع عشان نفخت فيه ونفس الفكرة مع البخاخة والطائرة كل الحكاية التكلفة فقط.. الفلوس تتحدث

آية وهي تمسك بعلبة الكبريت:
صحيح زياد نفس الحكاية مع الكبريت وأي سيارة مثلا.. قوة الاحتكاك.. الكبريت بيشتعل بفعل الاحتكاك والسيارة تسير بفعل قوة الاحتكاك بين العجل والأرض.

دخلت رحاب زوجة فكرى إلى المطبخ بدورها وهى تقول:
قولتوا لبابا ولا لسه؟؟؟

فكرى:
أنا برده بأقول اجتماع المطبخ دا وراه حاجة وبالونة وبابا حبيبي أيه سر الحركات دي؟

رحاب:
حاجة بسيطة.. الولاد حجزوا لرحلة مرصد القطامية مع عبد الوهاب مدير الجمعية الفلكية بمصطفى محمود وقالوا له أنك هتدفعوا للفلوس لما تقابله.

فكرى:
الله.. كام بقى حجز الرحلة؟

رحاب:
200 جنيه للفرد الواحد

فكرى:
يعنى 400 جنيه للقردين دول

رحاب:
3 قرود أنا رايحه معاهم.. يعنى 600 جنيه

آية:
بابا أوعى تنسى الفيزياء أنت قلت العلم أهم من أي حاجة

فكرى:
صحيح.. خلاص موافق على الرحلة بس مفيش لحمة من أي نوع هتدخل البيت الشهر ده

زياد:
مش مشكلة

فكرى:
والشهر الجاي كمان عشان أنا جاي معاكم.. زيارة المرصد رحلة لا تعوض

أضف تعليق

عدد التعليقات

عن محمد خليل

مؤلف كتاب "حكايات الفيزياء" ... متخصص فى التعليم المنزلى و التعليم المرن.

اضف رد

لن يتم نشر البريد الإلكتروني .